Memleket basshysy Q.Toqaev qańtar oqıǵasy kezinde elge kirgen Ujymdyq qaýipsizdik týraly shart uıymynyń áskerin Reseı áskeri dep shatastyrýǵa bolmaıtynyn málem etti.

– UQSHU Qazaqstanǵa shekteýli kontıngentin jiberý arqyly 30 jylda alǵash ret ózin kórsetti. Reseı emes, UQSHU ekenin basa aıtý kerek. Reseıde keı tulǵalar jaǵdaıdyń tonyn ózgertip, Reseı Qazaqstandy qutqaryp qaldy, endi Qazaqstan Reseıge ómir boıy qyzmet etip, Reseıdiń aıaǵyn qushyp ótýi kerek dep aıtyp júr. Bul – qısyq paıym, shyndyqtan alshaq nárse dep sanaımyn, – dedi ol "Rossıa 24" telearnasyna bergen suhbatynda.

Sondaı-aq ol UQSHU kúshteri áskerı qımyldarǵa qatyspaıtyny týraly aldyn ala kelisilgenin, UQSHU kontıngenti birde-bir oq atpaǵanyn, olar Qazaqstanda 10 kúnge jýyq ýaqyt qana bolǵanyn aıtty.