Búgin Men media alańynda Semeıdegi altyn urlyǵy isi boıynsha ustalǵandardyń jaqyndary elordalyq UQK tergeý ızolátoryn tekserýdi talap etip baspasóz jıynyn ótkizdi.
Kúdiktilerdiń týystary shaǵymdaryn UQK, İİM, Antıkor, bas prokýratýra jaýapsyz qaldyryp otyr deıdi. Sózderinshe, azaptaý faktisi boıynsha eshqandaı tekseris júrmegen.
– Biz jaqyndarymyzdy azaptaý týraly buıryq tikeleı Másimov (qazir qamaýda otyrǵan UQK eks-tóraǵasy red.) pen onyń adamdarynan túskenin bilemiz. Bul týraly azaptaý kezinde kúshtik qurylymdardaǵy adamdardyń ózi aıtty. Sondaı-aq bizge Semeıdegi "Alel" FIK AQ fabrıkasynan urlanǵan altyn Qaırat Satybaldyǵa tıesili bir kompanıaǵa ketip jatqanyn aıtty. Bizde nege qylmysty ashý úshin adamdy azaptaý kerek? Nege byltyr bir jyl boıy azaptaýmen aınalysqan UQK ofıserleri qyzmetin jalǵastyryp júr, – deıdi tergeý ızolátorynda otyrǵandardyń biriniń ápkesi Altynaı Ábeıova.
2021 jyly Semeıde zańsyz altyn satýmen aınalysty degen kúdikpen 37 adam ustalǵan. Solardyń 28-i azaptaýǵa ushyraǵanyn málimdegen.
Pikir qaldyrý