Aqjarqyn Turlybaıdyń isinde kúdikti dep tanylǵan nıgerıalyq Qazaqstanǵa ekstradısıalanýy múmkin. Bul týraly QR İshki ister mınıstrligi habarlady. 

"20 maýsymda Nıgerıada Interpoldyń Qazaqstan Respýblıkasy İİM-degi Ulttyq Ortalyq búrosynyń suraýy boıynsha QR QK 259-baby 2-bóliginde kózdelgen qylmys (esirtki quraldaryn nemese psıhotroptyq zattardy zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) jasaǵany úshin halyqaralyq izdeýde júrgen Adındo Nonso Fortýne ustaldy.

Qazirgi ýaqytta ony qamaýda ustaý jáne Qazaqstanǵa odan ári ekstradısıalaý týraly prosestik sheshim qabyldaý maqsatynda qajetti materıaldar Interpoldyń Nıgerıa UOB-na joldandy", - delingen habarlamada. 

Buǵan deıin Aqjarqyn Turlybaıdyń advokaty Suńqar Nurmaǵambet qorǵaýyndaǵy qazaqstandyqtyń Qytaıdaǵy saparyn uıymdastyrdy dep kúdikke ilingen nıgerıalyq ustalǵanyn habarlaǵan edi.