24 maýsymda kúndiz Qyzylorda oblysynda 40-44 gradýs qatty ystyq kútiledi. Jel ońtústik-shyǵystan soǵady, tańerteń jáne kúndiz oblystyń ortalyǵynda kúshi 15-20 m/s bolatyn shańdy daýyl turýy múmkin. Oblystyń basym bóliginde tótenshe órt qaýpi saqtalady.
Kúndiz Aqmola oblysynda 35 gradýs qatty ystyq kútiledi.
Aqtóbe oblysynda túnde soltústiginde, kúndiz batysynda, ońtústiginde naızaǵaı kútiledi. Jeldiń baǵyty ońtústik-shyǵystan, batystan, soltústik-batysqa aýysady, naızaǵaı kezinde ekpini 15-20 m/s deıin jetedi. 35-37 gradýs ystyq saqtalady.
Batys Qazaqstan oblysynyń soltústik bóliginde, ońtústik-shyǵysynda naızaǵaı kútiledi.
Mańǵystaý oblysynyń soltústiginde, shyǵysynda, ońtústiginde naızaǵaı, soltústiginde, ońtústiginde shańdy daýyl kútiledi. Kúndiz oblystyń soltústiginde, ońtústiginde 40 gradýs ystyq bolýy múmkin.
Atyraý oblysynyń batysynda, shyǵysynda jáne ortalyǵynda naızaǵaı kútiledi. Soltústik-batystan jel soǵady, ekpini 15-20 m/s. Kúndiz 38 gradýsqa deıin qatty ystyq kútiledi. Oblystyń batysynda, shyǵysynda tótenshe órt qaýpi saqtalady.
Shyǵys Qazaqstan oblysynyń shyǵysynda, ońtústiginde soltústik-batystan jel soǵady, ekpini – 15-20 m/s. Kúndiz 24 maýsymda Abaı oblysynyń batysynda, ortalyǵynda, ońtústiginde soltústik-batystan jel soǵady, ekpini 15-20 m/s. Kúndiz oblystyń ońtústiginde qatty ystyq 35 gradýs kútiledi. Oblystyń batysynda tótenshe órt qaýpi saqtalady.
Jambyl oblysynyń ońtústiginde, taýly aýdandarda qatty jańbyr. 24-25 maýsymda oblystyń ońtústiginde, shyǵysynda, taýly aýdandarda naızaǵaı, burshaq, daýyl kútiledi. Kúndiz oblystyń batysynda, soltústiginde 38 gradýsqa deıin qatty ystyq bolýy yqtımal.
Qostanaı oblysynyń batysynda, soltústiginde naızaǵaı kútiledi. Ońtústik-batystan soǵatyn jel soltústik-shyǵysqa aýysady, jel ekpini oblystyń batysynda, soltústiginde 15-20 m/s bolady degen boljam bar. Kúndiz oblystyń basym bóliginde 37 gradýsqa deıin ystyq kútiledi.
Kúndiz Pavlodar oblysynda 35 gradýs ystyq bolady. Oblystyń ortalyǵynda tótenshe órt qaýpi kútiledi.
Túrkistan oblysynyń taýlarynda naızaǵaı, daýyl kútiledi. Ońtústik-batystan jel soǵady. 24 maýsymda kúndiz oblystyń soltústiginde, batysynda, shóldi aýdandarynda, 25-27 maýsymda basym bóliginde 40-42 gradýs ystyq bolady.
Pikir qaldyrý