Óskemende Qazaqstan polısıasynyń 30 jyldyǵyn merekeleýge arnalǵan saltanatty is-shara ótti.

Jyl saıyn 23 maýsymda Qazaqstanda tártip saqshylary ózderiniń kásibı merekelerin atap ótedi. Bıyl Qazaqstan polısıasynyń qurylǵanyna 30 jyl tolady.

Búgin mereıtoılyq kúnge arnalǵan saltanatty sharaǵa oblys ákimi, quqyq qorǵaý jáne arnaıy organdardyń basshylary, İİM ardagerleri, oryndaý kezinde qaza tapqan qyzmetkerlerdiń otbasylary jáne polısıa departamentiniń jeke quramy qatysty.

Aımaq basshysy Danıal Ahmetov óziniń quttyqtaý sózinde:

"Búgin kásibı merekeni bizdiń ómirimizdi, densaýlyǵymyzdy jáne múlikterimizdi saqtaı otyryp, tártip pen zańdylyqty kún saıyn qorǵaıtyn adamdar atap ótedi. Kúmán joq, dál bizdiń polıseıler batyldyq, shydamdylyq pen qaısarlyqtyń úlgisi. Táýelsizdik jyldarynda Qazaqstannyń polısıa organdary birneshe kúrdeli kezeńderden ótip, barlyq jaǵynan ósti. Olardyń qoǵamdyq tártipke, beıbitshilik pen kelisimge, azamattardyń konstıtýsıalyq quqyqtaryn qorǵaýǵa qosqan úlesi baǵa jetpes. Bizdiń polıseıler qoǵam men memlekettiń múddelerin, bizdiń respýblıka azamattarynyń quqyqtary men bostandyqtaryn qorǵaı otyryp, óziniń azamattyq jáne qyzmettik boryshyn odan ári abyroımen atqaratynyna senimdimin" dedi.

Danıal Ahmetov 30 polısıa qyzmetkerine Óskemendegi jańa turǵyn úı kesheninen páter kiltterin tabys etti.

"Quqyq tártibin qamtamasyz etýge qosqan úlesi úshin" medalimen Kúrshim polısıa bóliminiń bastyǵy polısıa polkovnıgi Serik Manapov, "İshki ister organdarynyń úzdigi" l dárejeli tósbelgisimen Zaısan polısıa bóliminiń bastyǵy, podpolkovnık Dıdar Qamzın marapattaldy.

Krımınaldyq polısıa basqarmasynyń bastyǵy Qaırat Ábdiǵalıevke merziminen buryn polısıa "polkovnıgi" ataǵy berildi. Aıagóz polısıa bóliminiń bastyǵy Qýanysh Ábishev "podpolkovnık" pogonyn aldy.

SHQO polısıa departamentiniń kóptegen qyzmetkerleri polısıanyń 30 jyldyǵyna oraı kezekti ataqqa ıe boldy.

QR İİM buıryǵy boıynsha 50 polıseı mereıtoılyq medaldarmen marapattaldy. 508 polıseıge mereıtoılyq nagradalar, qol saǵattary, gramotalar men alǵys hattar tabys etildi.

Danıal Ahmetov quqyq qorǵaý organdarynyń barlyq qyzmetkerlerine olardyń aýyr eńbekterinde tabys, tańdaǵan mamandyǵyna adaldyq, otbasylarynda densaýlyq pen amandyq tiledi.