Antıkor "ÓKM Operatory" JSHS-niń burynǵy quryltaıshysyna izdeý jarıalady. Bul týraly vedomstvanyń baspasóz qyzmeti habarlady. 

"Qylmystyq is aıasynda 2017-2018 jyldar aralyǵynda Ekologıalyq kodekstiń talaptaryn buza otyryp, oǵan 920 mıllıon teńge mólsherinde dıvıdend túrinde zańsyz tólengen kádege jaratý alymynyń aqshalaı qarajatyn ıelengen "ÓKM Operatory" JSHS-niń burynǵy quryltaıshysy Mýktarova Shnar Ýralgazynovna kúdiktelýde. Shnar Mýktarovaǵa izdeý jarıalandy jáne oǵan qatysty sot "qamaýda ustaý" túrindegi bultartpaý sharasyn sanksıalady. Eger sizde onyń ornalasqan jeri týraly aqparat bolsa, Agenttiktiń kórsetilgen telefondaryna habarlaýyńyzdy suraımyz: call-sentr 1424; +7 (7172) 909 260, - delingen vedomstvo habarlamasynda.

İzdestirilip jatqan adamǵa qatysty málimet bergen adamǵa 4 000 aılyq eseptik kórsetkishke (12 mln 720 myń teńge) deıin syıaqy beriledi. 

Orda.kz aqparat kóziniń habarlaýynsha, Shnar Muqtarova ÓKP Operator kompanıasynyń jalǵyz resmı ıesi bolǵanǵa deıin Qazaqstannyń tuńǵysh prezıdentiniń kenje qyzy Álıa Nazarbaevanyń hatshysy bolyp jumys istegen.