Aqmola oblysynyń qylmystyq ister jónindegi mamandandyrylǵan aýdanaralyq sotynyń úkimimen Aýyl sharýashylyǵy basqarmasynyń basshysy Dımash Talasbaev 10 jylǵa bas bostandyǵynan aıyryldy. Bul týraly Sybaılas jemqorlyqqa qarsy qyzmet habarlady.
"Ol 2020 jyly seriktestikterin kóktemgi-kúzgi dala jumystaryn júrgizý úshin oblystyń aýyl sharýashylyǵy taýar óndirýshileri úshin kepildik berilgen arzandatylǵan dızel otynyn jetkizý jónindegi operator retinde aıqyndaýǵa járdem kórsetkeni jáne jalpy qamqorlyǵy úshin komersıalyq uıym ókilderinen kelisilgen 30 000 000 teńgeden 13 847 430 teńge somasynda asa iri mólsherde para alǵany úshin kináli dep tanyldy. Úkimdi jarıa etý oblystyq aýyl sharýashylyǵy jáne jer qatynastary basqarmasy ujymynyń qatysýymen ótti" delingen Antıkor málimdemesinde.
Dımash Talasbaevke sondaı-aq memlekettik qyzmette jáne kvazımemlekettik sektorda qyzmet atqarýǵa ómir boıyna tyıym salyndy.
