Qazaqstan Parlamenti senatynyń tóraǵasy Máýlen Áshimbaev jýrnalıs Nartaı Aralbaıulyna bergen suhbat barysynda qańtar oqıǵasynda qaza tapqan 4 jasar Aıkórkem týraly pikir bildirdi. 

– Qańtar oqıǵasy kezinde men jumysta boldym. Eskertýsiz oq atýǵa baılanysty bıliktiń ókilderi birneshe ret túsiniktemelerdi buǵan deıin de aıtqan bolatyn. Sondyqtan bul suraqqa qaıtyp kelmeıik. Qaza bolǵan búldirshin máselesin aıtaıyq. Bul – úlken tragedıa. Ár ata-ana úshin balasynan aırylý – eń úlken qasiret, eń úlken tragedıa ekeni anyq. Taǵy da qaza tapqan búldirshinniń áke-sheshesi men týǵan-týystaryna kóńil aıtamyn. Bul tragedıa bárimizdiń qabyrǵamyzdy qaıystyrdy. Bul qalaı boldy, nege boldy? Bul suraqtardy tergeý organdary tolyq anyqtaýy kerek. Sondaı-aq halyqqa kerekti túsiniktemeler jasalý tıis. Kezdeısoq bolǵan jaǵdaı, arnaıy atpaǵan shyǵar dep senemiz. Biraq biz olaı aıta almaımyz, tergeý júrýi kerek. Tergeýdiń nátıjesinde ata-anasymen qatar halyqqa da málimetter berilýi kerek. Sondyqtan tergeýdiń aıaqtalǵanyn kúteıik. Sol kezde ǵana osy máselege qatysty pikir bildirýge bolady. Qazir tek bul oqıǵa otbasy úshin ǵana emes, bárimiz úshin aýyr tıgenin aıta alamyn, – dedi Máýlen Áshimbaev.