"Almaty Jastary" turǵyn-úı baǵdarlamasy boıynsha 18 mamyr men 1 maýsym aralyǵynda qujat tapsyrǵandar arasynda joldama alǵandardyń tizimi shyqty.
Tizimge 1000 adam ilingen. 676 adam rezervte tur. Endi olar tólem qabiletin rastaýǵa tıis.
Joldama alǵan azamattardyń tolyq tizimi tómende usynylǵan.
Tizim ár sala boıynsha eń joǵary bal jınaǵandardan bastalady.
- nekeniń ár jyly úshin – 1 bal;
- bir bala bolsa – 1 bal;
- salasy boıynsha tájirıbeniń ár jyly úshin – 2 bal;
- halyqtyń áleýmettik áljýaz tobyna jatqany úshin – 5 bal.
Joldama alǵan azamattar 15 jumys kúni ishinde Otbasy banktiń" qyzmet ortalyǵyna júginýi kerek. Tólem qabiletin rastaǵandar 45 kún ishinde bastapqy nemese ekinshi naryqtan úı tańdaı alady.
Baǵdarlama sheńberinde nesıe berýdiń sharttary:
- Qaryzdyń eń joǵary somasy – 18 mln teńgege deıin;
- Paıyzdyq mólsherleme – 5%;
- Bastapqy jarna – 10%;
- Bastapqy jáne qaıtalama turǵyn úı alý múmkindigi;
- Qamtý – 1000 adam.
- Qaryz merzimi – 25 jylǵa deıin
Qatysý úshin negizgi talaptar:
- Qatysýshynyń jasy 35 jasqa deıin (qosa alǵanda), bolýy kerek. Bu jerde jubaıynyń (zaıybynyń) jasy mańyzdy emes. Baǵdarlamaǵa negizgi qatysýshy retinde tek erli-zaıyptylardyń bireýi ǵana qatysa alady;
- Úmitker men onyń otbasy múshelerinde turǵyn úı bolmaýy kerek.
- Qatysýshynyń Almaty qalasynda belgilengen sanattar boıynsha kem degende 6 aı mindetti zeınetaqy mólsherlemesi jáne resmı jumys ótili bolýy kerek. Belgilengen sanattar qatarynda densaýlyq saqtaý, bilim berý, mádenıet, sport, JOO-lar jáne ǴZI, jýrnalısıka, áleýmettik sala jáne quqyq qorǵaý organdary salalary bar.
Pikir qaldyrý