Eýroodaq Qazaqstannan shyǵarylǵan aktıvterdi qaıtarýǵa kómektesýge daıyn. Bul týraly Sybaılas jemqorlyqqa qarsy is-qımyl agenttigi málim etti.
Vndomstvo baspasóz qyzmetiniń aqparatynsha, agenttik tóraǵasy Oljas Bektenov Ortalyq Azıa boıynsha arnaıy ókil Terı Hakal bastaǵan Eýroodaq delegasıasymen kezdesken. Kezdesý barysynda Antıkor basshysy 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasynyń negizgi baǵyttarymen tanystyrǵan.
"Atap aıtqanda, taraptar zańsyz baıý úshin zańnamalyq jaýapkershilikti engizý jáne kirister men shyǵystardy jalpyǵa birdeı deklarasıalaý máselelerin talqylady. Bıznesti qorǵaý máseleleri de talqylandy. Eýropalyq áriptester eldiń sybaılas jemqorlyqqa qarsy saıasatynyń ekpinin oń baǵalap, GREKOnyń Halyqaralyq sybaılas jemqorlyqqa qarsy standarttary men ozyq tájirıbelerine sáıkestigine umtylysyn atap ótti. Damýdyń mańyzdy vektory Qazaqstannyń sybaılas jemqorlyq úshin qylmystyq jaýapkershilik týraly Eýropa Keńesiniń Konvensıasyna qosylýǵa daıyndyǵy atap ótildi.Tıisti shaqyrý aǵymdaǵy jyldyń 1 shildesinde kelip tústi" delingen aqparattyq habarlamada.
Terı Hakal Eýroodaq óz tarapynan Qazaqstannan Eýropaǵa shyǵarylǵan aktıvterdi qaıtarý týraly suranystarǵa qoldaý kórsetýge daıyn ekenin jetkizgen.
Sondaı-aq aqparattyq habarlamada pikirtalastyń jeke taqyryby qańtar oqıǵalaryna baılanysty azaptaý týraly málimdemelerge qatysty isterdi tergeýge arnalǵany, qazirgi ýaqytta 171 is aıaqtalyp, 177 is boıynsha tergeý jalǵasyp jatqany aıtylǵan.
Pikir qaldyrý