Qarjylyq monıtorıń agenttiginiń tóraǵasy Janat Elımanovtyń áıeli Irına Elımanova qarjy pıramıdasyna 75 myń 980 dollar aqshasyn salyp jiberip, quzyrǵy organdarǵa aryz túsirgen. Artynsha aqsha óziniki emes, sińlisiniki ekenin aıtyp, qylmystyq istegi óziniń jábirlenýshi statýsyn ózgertip alǵan. Elımanovanyń áreketinde qylmys belgileri bolýy múmkin. Bul týraly jýrnalıs Mıhaıl Kozachkov málim etti.
Jýrnalıs qazirgi ýaqytta Bostandyq aýdandyq sotynda isi qaralyq jatqan ITrade Consulting Group qarjy pıramıdasy nysanaly aýdıtorıaǵa joǵary paıyzdar men sýper tabystar týraly áńgime aıtatynyn, onyń jetekshisi birneshe ret sottalǵan Baıan Iakýpova esimdi kelinshek ekenin aıtady.
Kozachkovtyń baıandaýynsha, 9 kelinshek Almatydaǵy "Nurly Taý" bıznes-ortalyǵynan ofıs, Qazaqstannyń ózge 5 qalasynan fılıal ashady da pıramıda jumysyn bastaıdy.
Jarnamaǵa senip, pıramıdaǵa aqsha salǵandar arasynda Qarjylyq monıtorıń agenttiginiń tóraǵasy Janat Elımanovtyń áıeli Elımanova Irına Vıktorovna da bar bolyp shyǵady. Ol qarjy uıymyna 75 myń 980 dollar salyp jibergen. Pıramıdanyń qyzmeti áshkerelengen soń Elımanova 30 maýsymda polısıaǵa aryzdanyp, is boıynsha jábirlenýshi bolyp tanylady. Alaıda sotqa kelgisi kelmeı, sot prosesi óziniń qatysýynsyn ótýin suraıdy. Al 4 shildede ózin sińlisimen almastyrýdy surap, aqsha sińlisiniki ekenin, ózi tek aqshany qarjy pıramıdasynyń keńsesine aparyp berýshi ǵana ekenin, materıaldyq shyǵyn sińlisine kelgenin aıtyp qaıta aryzdanady. Sýdıa Roman Selıskıı onyń ótinishin esh qıyndyqsyz qanaǵattandyrady.
Mıhaıl Kozachkov Irına Elımanovanyń áreketi qarjy pıramıdasynyń salymshysy bolǵanyn jasyrǵysy kelgen adamnyń áreketine uqsaıtynyn atap ótip, Elımanovanyń áreketinde qylmystyq kodekstiń 420-babyna saı "kórineý jalǵan aıǵaq berý" quramy kezdespeı me, óıtkeni ol polısıany nemese sotty aldaǵan bolyp tur ǵoı" dep saýal qoıady.
Pikir qaldyrý