Kólik ınfraqurylymyn damytý - qala turǵyndarynyń jaıly ómir súrýi men joldaǵy keptelisti azaıtý ındıkatorlarynyń biri. Bıyl 30 mamyrda metronyń «Saryarqa» jáne «B.Momyshuly» 2 stansıasy ashyldy, bul kúndelikti jolaýshylar aǵymyn 1,9 ese 86 myń adamǵa deıin arttyrdy. Bul týraly Almaty ákimi Erbolat Dosaev Ortalyq komýnıkasıalar qyzmetinde ótken brıfıńte habarlady.

Onyń aıtýynsha, osy jyldyń mamyr aıynda uzyndyǵy 800 metr Áýezov kóshesi Gogol kóshesinen Raıymbek dańǵylyna deıin uzartyldy, sondaı-aq uzyndyǵy 7,7 km 2 kósheni uzartý jalǵasýda.

«Úsh kólik jolaıryǵynyń qurylysy júrip jatyr, onyń bireýin «Buqtyrma – Qulja kúre jolyn» osy jyldyń sońynda, ekeýin – 2023 jyldyń jeltoqsan aıynda aıaqtaımyz. Sondaı-aq 5 shaǵyn aýdanda 50 km jańa jol qurylysyn aıaqtaımyz. 200 km jolǵa ortasha jóndeý júrgizilip, 100 km trotýarlar men 80 aıaldama jaılastyrylady. Nátıjesinde jaqsy jáne qanaǵattanarlyq jaǵdaıdaǵy avtomobıl joldarynyń úlesin bıyl 86%-ǵa jetkizemiz. Byltyr bul kórsetkish 83%  bolǵan.