Sarapshylar nan baǵasynyń 250 teńgege deıin jáne odan da kóp ósýi múmkin dep málimdedi, dep jazady Atameken Business portaly. Jaz bastalǵaly nan baǵasy úsh paıyzǵa ósken. Dıirmenshiler men astyq óńdeýshiler reseılik óndirýshilerdiń qaptap kelýine alańdaýly.

"Nan 250 teńgeden qymbat bolady. Barlyq Keden odaǵyna qatysýshy elder arasyndaǵy saýda saıasatyn ajyratýdyń sheshilmegen máseleleri bizdegi osy ónimderdiń baǵasynda úlken alypsatarlyqtyń paıda bolýyna áser etedi. Sondyqtan nan baǵasy qymbattaıtynyna tańǵalmańyz", – dedi ekonomıs Aıman Tursynqan.

Al astyq óndirýshiler men dıirmenshiler un baǵasynyń qymbattaýynyń basty sebebi eksportta ekenin aıtady. 

"2022 jylǵy shilde boıynsha Qazaqstandaǵy 2300 un tartatyn kásiporynnyń 174-i ǵana qaldy. Olar óz quny boıynsha ǵana jumys isteıdi, tabys eki paıyzdy ǵana..." - dedi un tartý kásipornynyń dırektory Dos-Muqasan Táýkebaev.

QR Aýyl sharýashylyǵy mınıtsrligi Reseı men Ýkraınadaǵy jaǵdaıǵa baılanysty álemde bizdiń unǵa suranystyń artqanyn rastap otyr.