Qazaqstannyń kóptegen óńirleriniń aýa-raıyna ońtústik sıklon áser etedi. 16 shildede soltústik-batysta, 16-17 shildede soltústikte, 17 shildede respýblıkanyń shyǵysynda naızaǵaı oınap, qatty jel soǵyp, qatty jańbyr, keı jerlerge burshaq jaýýy múmkin. Bul týraly Qazgıdromettiń 16-18 shildege arnalǵan aýa raıy boljamynda aıtylǵan.
"Demalys kúnderi soltústik-batys antısıklonnyń jotasy elimizdiń batysy men ońtústiginde jaýyn-shashynsyz aýa raıyna yqpal etedi. Eldiń ońtústiginde shańdy daýyl kútiledi" deıdi sınoptıkter.
Kúndizgi aýa temperatýrasy tómendegideı bolady dep kútilip otyr:
♦ batysta +30+40°S;
♦ soltústik-batysta +25+40°S;
♦ ońtústik-batysta +36+45°S;
♦ ońtústikte +33+42°S;
♦ ońtústik-shyǵysta +20+35°S;
♦ soltústike + 24+33°S-tan +20+30°S-qa deıin, arasynda +27+38°S-tan +23+33°S-qa deıin;
♦ shyǵysta +21+33°S-tan +16+28 ° S-qa deıin.
Pikir qaldyrý