"Sondaı-aq munaı ónimderi tizbesinen Aı-95 markaly benzınniń baǵasyn memlekettik retteý alynyp tastaldy, óıtkeni Aı-95+ jáne joǵary ónimderdi óndirý kezinde qymbat turatyn ımporttyq qospalar men benzınderdiń joǵary oktandy komponentteriniń úlken shyǵyny talap etiledi. Importtyq qospalardyń baǵasy munaı baǵalarymen jáne valúta baǵamdarymen baılanysty. Buıryqqa sáıkes dızel otynyna shekti baǵalar ózgermeıdi jáne Qazaqstannyń barlyq óńirlerinde burynǵy deńgeıde qalyp otyr: Aqmola, Aqtóbe, Shyǵys Qazaqstan, Batys Qazaqstan, Qostanaı, Soltústik Qazaqstan oblystary boıynsha, sondaı-aq Abaı oblysynda baǵa lıtrine 260 teńgeni quraıdy, al Nur-Sultan, Almaty qalalarynda, Shymkent, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, Jetisý, Ulytaý oblystarynda – lıtrine 230 teńge" delingen mınıstrlik habarlamasynda.
Belgilengen baǵa buıryq kúshinde bolatyn 180 kún boıy ózgermeıdi.
Pikir qaldyrý