Joǵary sot belgili qazaqstandyq jýrnalıser Seıtqazy jáne Áset Mataevtardy tolyǵymen aqtady, dep habarlady KazTag agenttigi. 

Joǵary sot seısenbi kúngi otyrysta Astana qalasy sotynyń 2016 jylǵy 9 jeltoqsandaǵy Seıtqazy jáne Áset Mataevtarǵa qatysty úkiminiń kúshin joıdy. Óz sheshimin oqyǵan sýdıa Mataevtardyń aqtalǵanyn túsindirdi. Sonymen qatar olar qylmystyq prosesti júrgizgen organdardyń áreketinen keltirilgen shyǵyndy óndirip ala alady.

Mataevtar 2016 jyly sottalǵan. Qylmystyq is KazTAG aqparat agenttigin tartyp alý maqsatymen uıymdastyrylǵan. Olardyń isin qazaqstandyq jáne sheteldik quqyqqorǵaýshylar saıası astary bar dep tanyǵan. Aıyptaýdyń bir tarmaǵy da dáleldenbegenine qaramastan, sot aıyptaý úkimin shyǵarǵan. Mataevtardy tapsyryspen qýdalaýǵa qatysýshylardyń birde-biri áli kúnge deıin jazaǵa tartylmady. Aqtalǵannan keıin bul otbasyǵa tıesili tárkilengen dúnıe-múlikter túgel qaıtarylady.