Qazaqstanda merekelik kúnderdiń tizbesinde 3 ataýly mereke paıda bolýy múmkin. "Qazaqstan Respýblıkasyndaǵy merekelik kúnderdiń tizbesin bekitý týraly" Qazaqstan Respýblıkasy Úkimetiniń 2017 jylǵy 31 qazandaǵy № 689 qaýlysyna tolyqtyrý engizilmek. 

Tizimge tómendegideı kásibı merekeler qosylatyn bolady: 

9 qyrkúıek – Qazaqstan kásipkerleri kúni;

19 jeltoqsan – Jarnama mamany kúni;

16 sáýir – Turǵyn úı-kommýnaldyq sharýashylyǵy salasy qyzmetkerleriniń kúni.

"Qazaqstan Táýelsizdiginiń 30 jyldyǵy qarsańynda jańa mereke bekitý jónindegi bastama júrgizilip otyrǵan memlekettik saıasattyń basymdyqtary men eldiń osy saladaǵy negizgi qoǵamdyq-saıası kúshteriniń shoǵyrlanýyn aıǵaqtaıtyn bolady", delingen qujatta.

Turǵyn úı-kommýnaldyq sharýashylyǵy salasynyń qyzmetkerleri kúni týraly qujatty qoǵamdyq talqylaý merzimi – 2 tamyzǵa deıin bolsa, Kásipkerler men jarnama mamandarynyń kúni týraly qujatty talqylaý merzimi 8 tamyzǵa deıin dep kórsetilgen.