Sońǵy aılarda reseılik balyq óndirýshi kompanıalarǵa kemelerin Eýropa porttarynda jóndeýden jıi bas tarta bastaǵan, dep jazady RBK portaly.

Búkilreseılik balyq aýlaý qaýymdastyǵynyń prezıdenti German Zverevtiń aıtýynsha, sońǵy jyldary balyq aýlaýdyń kóp bóligin qamtamasyz etetin 400-ge jýyq zamanaýı jáne tıimdi reseılik keme sheteldegi zaýyttarda jóndelip kelgen. Al reseılik kásiporyndarda keme jóndeıtin tehnıkalyq múmkindik joq.

Alaıda Reseı Ýkraınaǵa basyp kirgennen keıin sheteldik porttar Reseı kemelerine qyzmet kórsetýden bas tarta bastaǵan. 

Qazirgi ýaqytta Norvegıa, Fınlándıa, Polsha jáne Baltyq elderinde jóndeýden ótip júrgen Soltústik jáne Batys baseınderiniń kemeleri qıyndyqqa tap bolyp otyr.

Balyq ónimderi sanksıa akásyna kirmeıtindikten, mundaı áreketter sheteldik kompanıalardyń jeke sheshimi ekeni habarlandy.

Basylym tildesken mamandardyń biri balyq aýlaýshy kemelerge jyl saıyn jóndeý qajet, ekenin, keri jaǵdaıda flottyń tehnıkalyq jaǵdaıy balyq aýlaýdyń tómendeýine ákelip soǵýy múmkin ekenin eskertken.