Qańtar oqıǵasy kezinde Bolat Nazarbaev Izraılde bolǵan. Bul týraly Nazarbaevtyń úlken qyzy Gúlmıra Ábishova exk.kz saıtyna bergen suhbatynda aıtty.

– Qańtar aıynda biz Qazaqstanda bolmadyq. Ol ýaqytta ákemizdiń ómiri úshin kúresip jattyq. Qazaqstanda ne bolyp jatqanynan habarymyz bolmady. Ákemizdiń jaǵdaıymen júrdik. Kúnige duǵa etetin edik, – dep eske aldy Gúlmıra Ábishova. 

Sondaı-aq Gúlmıra Ábishova Qazaqstanǵa kelýge qoryqpaǵanyn, búginge deıinge eshkimge zıan tıgizbegenin aıtady. 

– Bul bizdiń týǵan jerimiz. Ne úshin qorqýymyz kerek? Qalaısha elimizge orala almaımyz? Biz eshkimnen eshteńe tartyp almadyq. Eshkimge zıan tıgizbedik. Qorqatyn sebep te joq, – dedi Bolat Nazarbaevtyń qyzy.

Oqı otyryńyz:

♦ "Dostarymyzdan eshkim qalmady", "aqıqat Allaǵa ǵana aıan". Gúlmıra Ábishevanyń suhbaty