Ulttyq qaýipsizdik komıteti Nur-Sultan qalasy boıynsha departamenti asa iri kólemdegi psıhotropty zattardy satýǵa qatysy bar kúdikti "A" esimdi elordalyq turǵyndy ustaǵanyn habarlady.
 
"Prosesýaldyq is-shara barysynda zańsyz aınalymnan 1,5 kg "mefedron", 1,4 kg "álfa-PVP" jáne 659 tabletka MDMA ("ekstazı" dep aıtylatyn) tárkilendi. Tergeý esirtkini astanamyzdyń ortalyǵynda jaldamaly páterde orap, Internet onlaın alańy arqyly turaqty túrde satylǵanyn anyqtady. Atalǵan fakti boıynsha QR QK 297-baby 3-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tergeý júrgizilýde, 15 jylǵa deıingi merzimge bas bostandyǵynan aıyrý jazasy qarastyrylǵan" delingen UQK baspasóz qyzmetiniń habarlamasynda.