Bede tushparasy – jyl saıyn kóktemde daıyndalatyn dástúrli uıǵyr taǵamy. Aıta ketý kerek, bul taǵamnyń aǵzaǵa paıdaly qasıetteri bar jáne ony daıyndaý uıǵyr halqy úshin búkil mereke.

 

– Kez kelgen halyqtyń salt-dástúrleri saqtalyp, urpaqtan urpaqqa berilýi tıis, óıtkeni bul eń aldymen bizdiń ata-babalarymyzdan mura etken tarıhymyz ben mádenıetimiz. Búgingi merekede biz dástúrli taǵamdarymyzdyń erekshelikterin kórsetýge jáne qymbatty qonaqtarymyzǵa dám tatýǵa tyrystyq, – dedi is-sharany uıymdastyrýshy Almaty qalasy uıǵyr etnomádenı birlestigi Analar keńesiniń tóraıymy Ababahrıeva Roza Ismaılqyzy.

 

Merekege Almaty qalasy Qazaqstan halqy Assambleıasy hatshylyǵynyń etnosaralyq qatynastar bóliminiń basshysy – Balǵymbaev Nazar Albanuly, "Qoǵamdyq kelisim" KMM dırektorynyń orynbasary G.ÝOR belsendi qatysty. Budan bólek Qazaqstan halqy Assambleıasynyń qalalyq Analar keńesiniń músheleri, sonyń ishinde túrik etnomádenı birlestiginiń Analar keńesiniń tóraǵalary Hýseınova Zýlfıa Shahmýratovna, Qyrym tatar etnomádenı birlestiginen Sýltanova Remzıe Zeınıdınovna, kúrd etnomádenı birlestiginiń ókili Mırzoeva Medına Knázevna, dúngen etnomádenı birlestiginen Abýbekerova Zýlfıa Hakımovna jáne Fatıma Malıkqyzy óz múshelerimen birge keldi. Oosylaısha, otbasy ınstıtýtyn nyǵaıtýǵa jáne dástúrli otbasylyq qundylyqtardy saqtaýǵa óz úlesterin qosty.

 

Óz kezeginde Almaty qalasy Qazaqstan halqy Assambleıasynyń Analar keńesiniń tóraıymy Israılova Mahınýr Vılámovna, onyń basshylyǵymen analar Keńesiniń barlyq is-sharalary ótkiziledi.

 

Analar keńesiniń basty maqsaty – birinshi kezekte otbasylyq qundylyqtardy nyǵaıtý, jas urpaqty tárbıeleý jáne ultaralyq kelisim men toleranttylyqty damytý. Búgingi is-shara sonyń jarqyn mysaly.

 

İs-shara barysynda "Kók chóshúrá (bıdá) máırimı" karnaı men sýrnaıdyń jarqyn qoıylymynan, bı qoıylymdarynan jáne uıǵyrlardyń dástúrli jasyl tushparalaryn daıyndaý týraly prezentasıalar kórsetilip, qatysýshylardyń jyly tilekteri aıtyldy.