​11 mamyrda Almaty qalasynyń Alataý aýdanynda úsh qabatty jataqhana órtendi, sonyń saldarynan 48-ge jýyq adam baspanasyz qaldy. Osy qıyn shaqta Mahınýr Israılovanyń basshylyǵymen QHA Analar keńesi birden ún qatyp, kómek qolyn sozdy. Osy rette sheshen, túrik, vengr, daǵys, belorýs, uıǵyr, tatar, koreı, grek, polák, roma qaýymdastyǵy, kúrd birlestikteri Analar keńesiniń músheleri úlken jumys atqardy.

Oqys oqıǵa kezinde órt sóndirýshiler kelgenge deıin adamdar múmkindiginshe qashyp, keıbireýler ekinshi qabattan sekirip ketken. Órtti 58 qutqarýshy men 15 arnaıy mashına sóndirdi. Jataqhana turǵyndary ýaqytsha jergilikti mekteptiń sportzalyna ornalastyryldy. Zardap shekkenderdiń arasynda júkti áıelder men balalar da bar.

Órtten keıingi alǵashqy kúnnen bastap kómekke "Vaınah" sheshen qoǵamdyq-mádenı ortalyǵynyń tóraǵasy Rahman Islamov, sheshen ortalyǵy Analar keńesiniń tóraǵasy Razıe Mavsarova kelip, adamdarǵa kıim, tamaq jáne basqa da qajetti zattar berdi.

Búgingi kúnge deıin Analar keńesi áleýmettik jeliler men chattarda bolǵan oqıǵalar týraly aqparatty jibere otyryp, zardap shekkenderge qoldaý kórsetýge beı-jaı qaramaıtyndardy ıgi iske belsendi túrde shaqyrady. Qalanyń barlyq aımaqtarynan adamdar jaýap berip, múmkindiginshe qajetti zattardy ákelip jatyr.

Analar keńesi zardap shekkenderdi ýaqytsha ustaýǵa, atap aıtqanda turýǵa, tamaqtanýǵa jáne basqa da qajetti shyǵyndarǵa jumsalatyn aqsha somasyn jınady. Olardyń arasynda júkti áıelderdiń de bar ekenin eskere otyryp, olardy perzenthanada qajetti zattarmen qamtamasyz etý, al balalarǵa mektep formasy men kerek-jaraqtaryn satyp alý týraly sheshim qabyldandy.

Almaty qalasy Analar keńesiniń tóraıymy Mahınýr Israılova atap ótkendeı, ásirese, balalar men júkti áıelder zardap shegip jatqanda, bul zardaptardy kórý óte ókinishti.

– Bul jaǵdaıda analar keńesi shette qalmady, sondyqtan biz qazir ortaq kúshtermen bul adamdardy qoldaýǵa jáne múmkindiginshe olarǵa kómektesýge tyrysamyz. Kómekke árdaıym ún qosatyn etnomádenı birlestikterimizge alǵys aıtamyn, – dedi ol.

Bul – Qazaqstan halqy Assambleıasy kóptegen jyldar boıy júrgizip kele jatqan dostyq pen yntymaqtastyqtyń jarqyn mysaldarynyń biri. Assambleıa – án, bı jáne mereke ǵana emes, sonymen qatar adamdarǵa kómek, moraldyq jáne materıaldyq qoldaý jáne eń bastysy nazar aýdaratyn orta ekenin kórsete bildi.

Almaty qalasy "Qoǵamdyq kelisim" mekemesiniń baspasóz qyzmeti