16 mamyrda Almaty qalasyndaǵy Respýblıkalyq Dostyq úıinde Qazaqstan halqy Assambleıasynan QR Parlamenti Májilisiniń depýtaty Vakıl Nabıev quramyna QHA-nyń jas músheleri, etnomádenı birlestikterdiń jastary, JOO JİK kóshbasshylary, eriktiler jáne t. b. kiretin Almaty qalasy boıynsha "Assambleıa jastary" RQB ókildiginiń jastarymen kezdesti, dep habarlady Almaty qalasy "Qoǵamdyq kelisim" mekemesiniń baspasóz qyzmeti.

Kezdesý aldaǵy referendýmǵa jáne QR Konstıtýsıasyna engiziletin túzetýlerdi túsindirýge arnaldy.

Depýtatpen pikirtalasqa belsendi qatysyp, QR Konstıtýsıasyna engiziletin túzetýler men ózgeristerge qatysty kóptegen suraqtar qoıǵan jastar osy arqyly saıası reformalarǵa degen joǵary qyzyǵýshylyǵyn kórsetti.

Jıyn barysynda áńgime birtindep eldiń bolashaǵy men jańa Qazaqstannyń qurylysyna qatysty, onyń qalyptasýynda jastarǵa qandaı ról beriletini týraly neǵurlym keń taqyryptarǵa aýysty.

Sondaı-aq áńgime barysynda Parlament Májilisi depýtattarynyń bilim berý, medısına, kásipkerlik, áleýmettik qyzmetterdi damytý, jastardy patrıotızmge tárbıeleý, memlekettik tildi odan ári damytý, azyq-túlik baǵasyn retteý, jastardyń básekege qabilettiligi, sybaılas jemqorlyqqa qarsy mádenıet jáne t.b. baǵyttaǵy jumystary talqylandy.

Kezdesýge qatysýshylar jekelegen qyzmet salalarynda jastardy odan ári damytý boıynsha birqatar usynystar engizdi.