Almaty qalasynyń Respýblıkalyq Dostyq úıinde Qazaqstan Respýblıkasy Prezıdenti Ákimshiligi ókilderiniń qatysýymen QHA Kásipkerler qaýymdastyǵy músheleriniń otyrysy ótti. Onyń sheńberinde QHA Kásipkerler qaýymdastyǵynyń qyzmetimen tanysý ótkizilip, kásipkerlik salasyndaǵy ózekti máseleler jáne olardy sheshýdegi qaýymdastyqtyń róli talqylandy.

Qazaqstan Respýblıkasy Prezıdenti Ákimshiliginiń Qazaqstan halqy Assambleıasy Hatshylyǵynyń sektor meńgerýshisi Ǵalymjan Mahan óz sózinde el Konstıtýsıasyna engizilgen ózgerister men tolyqtyrýlardy atap ótti.

"Elimizdiń Negizgi Zańynyń 33 babyna 56 túzetý engizildi. Ózgerister Konstıtýsıanyń taǵdyrsheshti máni bar baptarynyń úshten birine qatysty bolmaq. Olar sýperprezıdenttik modelden prezıdenttik respýblıkaǵa túpkilikti kóshý; birqatar bılik ókilettikterin qaıta bólý; Parlamenttiń rólin kúsheıtý jáne mártebesin arttyrý úshin quqyqtyq baza jasaıdy; halyqtyń eldi basqarýǵa qatysýyn keńeıtý; azamattardyń quqyqtaryn qorǵaý tetikterin kúsheıtý" dep atap ótti ol.

Qazaqstan halqy Assambleıasy kásipkerler qaýymdastyǵynyń prezıdenti Qaırat Aıtbaı atap ótkendeı, qaýymdastyq qyzmetiniń úsh basym baǵyttarynyń biri: ókildik etý, onyń músheleriniń quqyqtary men zańdy múddelerin memlekettik organdarda qorǵaý.

Qaýymdastyq qyzmetiniń ekinshi mańyzdy baǵyty: qoldanystaǵy quqyqtyq bazany taldaý jáne kásipkerlik salasyndaǵy qazaqstandyq zańnamany jetildirý boıynsha esepter, usynymdar daıyndaý.

Qaýymdastyq osy norma shyǵarý qyzmetine belsendi qatysýǵa jáne óziniń syndarly usynystaryn engizýge nıetti.

"Biz QHA depýtattyq korpýsymen, Úkimetpen jáne basqa da qurylymdarmen tyǵyz baılanysta bolamyz", dep atap ótti qaýymdastyq músheleri.

Qaýymdastyq qyzmetiniń úshinshi baǵyty – Qazaqstan etnostarynyń tarıhı shyǵý elderinen sheteldik ınvestısıalardy, tehnologıalar men ınovasıalardy tartý.

"Atalǵan bastamany júzege asyrýdy biz QHA seriktes-sheteldik dostar klýbyn ilgeriletýden kóremiz, ol iskerlik baılanystardyń damýyna jáne elimizge ınvestısıalar tartýǵa yqpal eter edi. Kóptegen etnomádenı birlestikterde bul jumys sátti júrgizilip jatqany belgili. Biraq, kez-kelgen jumysta birge isteý kerek nárseler bar" dedi óz sózinde Q.Aıtbaı.

Sonymen qatar, Qaýymdastyq "Qazaqstan halqy Assambleıasy kásipkerler qaýymdastyǵynyń jastar qanatyna" basa nazar aýdarady. Bul baǵyttyń maqsaty kásipkerlerdiń jas býynynyń ıdeıalary men bastamalaryn qoldaý. Jastar Qazaqstannyń barlyq etnostary arasyndaǵy ózara qarym-qatynasty damytýdyń lokomotıvine aınalady degen senim bar.

Jas kásipker, Qaýymdastyqtyń vıse-prezıdenti Arman Baevtyń basshylyǵymen "bir tereze" rejıminde ıdeıalar, usynystar men usynymdar jınaý bastamasy iske qosylady, ol týraly ol óz sózinde egjeı-tegjeıli aıtyp berdi.

Jıyn barysynda qatysýshylar aldaǵy respýblıkalyq referendýmdy talqylady. Konstıtýsıada qandaı ózgerister bolady jáne bul bolashaqta bıznes salasynda qalaı kórinis tabatyny týraly aıtyldy.

Qazaqstan halqy Assambleıasy kásipkerler qaýymdastyǵynyń vıse-prezıdenti – Abdýlla Ismatýllaev jáne QHA qaýymdastyǵynyń basqa da músheleri óz ıdeıalary men usynystaryn bildirdi.