Eks-prezıdent Nursultan Nazarbaevqa tıesili qaıyrymdylyq qor jýrnalısik zertteýmen aınalysatyn Journalism Development Network basylymyn jala japty dep sotqa bergen. Bul týraly qazaqstandyq jýrnalıs Dmıtrıı Shıshkın málim etti zańgerler men BAQ-qa arnalǵan amerıkalyq jalpyulttyq Courthouse News Service qyzmetiń aqparatyn bólisip.qam

Nazarbaev qory basylym jarıalaǵan burynǵy prezıdenttiń mıllıardtaǵan baılyǵy týraly zertteýi Nazarbaevtyń iskerlik bedeline nuqsan keltiredi dep málimdegen.

Basylym aqparatynsha, qorǵa Vashıngtondaǵy Boies Schiller Flexner zań fırmasynyń Metú L. Shvars esimdi advokaty ókildik etken.

Metú L. Shvars shaǵymynda qor Nazarbaev ýnıversıteti men Nazarbaev zıatkerlik mektebin, Ortaazıalyq el (Qazaqstan - red) úshin batysta maman daıarlaýdy qarjylaı qoldaý úshin qurylǵanyn aıtady

Journalism Development Network dırektory Drú Sallıvan shaǵym túsiretindeı esh negiz joq, Jemqorlyq pen uıymdasqan qylmysty zertteý ortalyǵy muny rastaıdy dep otyr.

Shaǵymǵa sebep bolǵan zertteý bıylǵy 19 qańtarda jarıalanǵan. Zertteýde Nazarbaevqa tıesili qorlar qymbat otel, jeke ushaq, gólf alańy, saýda ortalyqtary, telearnalar men bankterdi ıelenip otyrǵany jazylǵan. OCCRP Nazarbaev qoryna tıesili aktıvterde kemi 7,8 mlrd dollar bar dep baǵalaǵan.

Zertteýde Nazarbaev qurǵan "Qazaqstannyń birinshi prezıdenti – Elbasy" qory (2021 jyly jabylǵan), "Nazarbaev qory", "Nursultan Nazarbaev qory", "Demeý qory" jáne "Elbasy" (2021 jyly ashylǵan) qory jaıly aıtylady.