Almaty oblysy Uzynaǵash aýylynda atys bolyp, bir adam qaza tapty, dep habarlady óńirlik PD-nyń baspasóz qyzmeti.
Polısıanyń málimetinshe, 4 tamyz kúni saǵat 16:20 shamasynda Jambyl aýdany Uzynaǵash aýylynyń aýrýhanasyna úsh jergilikti turǵyn oq jaraqatymen túsken. Zardap shekkenderdiń biri jansaqtaý bóliminde qaıtys boldy.
"Polıseıler dereý derektiń barlyq mán-jaıyn anyqtaýǵa jáne qylmysqa qatysy bar tulǵalardy ustaýǵa baǵyttalǵan sharalardy qolǵa aldy. Jedel-izdestirý is-sharalary barysynda jospar jarıalanyp, aımaqtyq polısıa bólimsheleriniń jeke quramy kúdiktilerdi ustaýǵa jumyldyryldy" delingen habarlamada.
Aldyn ala málimet boıynsha janjal jergilikti turǵyndar arasynda dushpandyq qarym-qatynasqa baılanysty bolǵan. Qazirgi ýaqytta oqıǵaǵa qatysy bar adamdar tolyǵymen anyqtalyp, olardy ustaý boıynsha is-sharalar júrip jatyr.
Pikir qaldyrý