Qalalyq máslıhattyń kezekten tys sesıasynda oblys ortalyǵynyń basshysy qyzmetine usynylǵan Rýslan Anbaevtyń kandıdatýrasy qaralyp, daýys berý nátıjesinde Rýslan Ańbaev Petropavldyń ákimi bolyp taǵaıyndaldy.
Rýslan Anbaev 1978 jyly Soltústik Qazaqstan oblysynda dúnıege kelgen. Qozybaev atyndaǵy memlekettik ýnıversıtetti "ekonomıs-menedjer" mamandyǵy boıynsha bitirgen. Budan bólek, agronom men zańger mamandyqtary boıynsha dıplomy bar.
Eńbek jolyn 1999 jyly Tımırázev aýdany boıynsha salyq komıtetinde aýdıt bóliminiń ınspektory bolyp bastaǵan.
2002-2015 jyldary osy óńirde salyq organdarynda san alýan qyzmetter atqardy.
2015-2019 jyldary Soltústik Qazaqstan oblysy ákimi apparaty basshysynyń orynbasary boldy. Odan keıin bir jyldaı Mamlút aýdanyn basqardy. Osy ýaqytqa deıin Taıynsha aýdanynyń ákimi qyzmetin atqardy.
Qalanyń burynǵy ákimi Bolat Jumabekov maýsym aıynda óz erkimen otstavkaǵa ketken. Ol Petropavl qalasyn eki ret basqardy. 2012 jyly aqpan aıynan bastap 2013 jyldyń mamyr aıyna deıin, odan keıin 2019 jylǵy kóktemde taǵy qala ákimi qyzmetine taǵaıyndalǵan.
Pikir qaldyrý