Túrkistan qalasynda qarjy pıramıdasyn quryp, 3000 myńnan astam turǵyndy aldaǵan 25 áıelge qatysty tergeý jumystary júrip jatyr. Bul týraly oblystyq prokýratýra habarlady, dep jazady otyrar.kz.
"Olar qarjy pıramıdasyn quryp, 3 myńnan astam turǵyndy salymshy retinde tartqan. Aldanǵan adamdar qarjy pıramıdasyna 3 mlrd teńgeden astam qarajat salǵan" delingen prokýratýra habarlamasynda.
Oblystyq prokýratýra ispen tájirıbeli mamandar aınalysyp jatqanyn aıtty.
"Aldanǵan adamdardyń kóbisi qarjy pıramıdasyn onlaın rejımde ınvestısıalaǵan. Keıin olar alaıaqtardyń qurbany bolǵanyn túsinedi. Qazir barlyq kináliler ustalyp, tergeý ızolátoryna qamaldy"dep málimdedi prokýratýradaǵylar.
Pikir qaldyrý