Aldaǵy kúnderi eldiń batysy men soltústik-batysynda ǵana jaýyn-shashyn bolmaıdy. Sınoptıkter 6, 7 jáne 8 tamyzǵa arnalǵan aýa raıy boljamyn jarıalady.

Sınoptıkterdiń dereginshe, eldiń basym aımaǵynda jańbyrly aýa raıy boljanyp otyr. Naızaǵaı oınap, ekpindi jel soǵyp, qysqa merzimdi jańbyr jaýady dep kútilýde. Respýblıkanyń ortalyǵynda, soltústiginde, ońtústiginde jáne ońtústik-shyǵysynda qatty jańbyr, burshaq, jel bolýy múmkin. 

Aýa temperatýrasynda aıtarlyqtaı ózgerister bolmaıdy:

• kúndiz batysta +30 +37 gradýs;
• ońtústik-batysta +27 +37 gradýs;
• soltústik-batysta +27 +35 gradýs;
• soltústikte, shyǵysta +22 +30 gradýs;
• ortalyqta +20 +28 gradýs;
• ońtústikte, ońtústik-shyǵysta, eldiń shyǵysynda +30 +35 gradýs;
• taýly aımaqtarda +25 gradýs shamasynda.