Qazaqstan temir joly 2022 jylǵy 15 qazannan bastap jalaqy tóleýdiń jańa júıesin engizedi. Bul ózgeris bir oblys aýmaǵyndaǵy tómen koefısıent boıynsha jalaqy alatyn 68 myńǵa jýyq jumysshyǵa qatysty bolmaq, dep habarlady kompanıanyń baspasóz qyzmeti.

Kompanıa málimetinshe, buǵan deıin jalaqy tóleý júıesi tarıhı qalyptasqan ýchaskelik koefısıentterge negizdelip kelgen. Júıeniń olqylyǵynan bir laýazymdaǵy qyzmetkerler bir oblys ishinde ártúrli jalaqy alyp kelgen. Bul koefısıenti anaǵurlym tómen eńbek ujymdary tarapynan narazylyq týdyrǵan.

1 tamyzda Mańǵystaý oblysy Beıneý beketiniń qyzmetkerleri ereýilge shyǵyp, eńbekaqyny eki ese arttyrýdy talap etken. QTJ qarjy jetpeýine baılanysty temirjolshylardyń talabyn tolyǵymen oryndaý múmkin emes dep otyr.

Al eńbekaqy tóleýdiń jańa júıesine ótý týraly sheshim 30 maýsymda qabyldanǵan deıdi kompanıadaǵylar.