Oral qalasynda kásipker Erkin Muhanǵalıevti óltirgenderdi izdeýge ulttyq gvardıa da qosyldy, dep habarlady Moı gorod portaly.

"Qylmyskerlerdi izdeýge 5517 áskerı bóliminiń áskerı qyzmetkerleri de jumyldyryldy" delingen habarlamada.

Kásipkerdi 6 tamyz kúni saǵat 20.00-de óltirip ketken. Onyń birneshe jerinen pyshaq suǵylǵan denesi P. Atoıan atyndaǵy stadıonnyń turaǵynan tabylǵan.

"Kúdiktilerdiń túr-tulǵasy birden anyqtaldy. Qylmys beınebaqylaý kameralaryna túsip qalǵan. Kafede ústel basynda bıznesmen men eki er adam otyrady. Aralarynda janjal shyǵyp, er adamnyń biri Erkin Muhanǵalıevke pyshaq suqqylaıdy. Belgili bolǵandaı, bıznesmen qylmyskerlerden qashpaq bolǵan, alaıda olar qýyp jetip, áreketterin kóshede jalǵastyǵan" delingen quzyrly organ habarlamasynda.

7 tamyzda polısıa kúdiktiler – 31 jastaǵy Rýslan Qojantaev pen 21 jastaǵy Týrlan Amangeldige izdeý jarıalady.

6 tamyzdan beri qalaǵa kiretin, qaladan shyǵatyn joldar tekserilip jatyr. Sondaı-aq polısıa kúdiktilerdiń jasyrynǵan jeri týraly biletinder bolsa, 102 púltine nemese 98-45-30 nomerine habarlasýdy suraıdy.