Oral qalasynda kásipkerdi pyshaqtap óltirdi delingen 2 adam ustaldy. Bul týraly oblystyq polısıa departamenti habarlady.
"Arnaıy operasıa nátıjesinde kúdiktiler ustaldy. İs 20 jylǵa deıin bas bostandyǵynan aıyrý nemese ómir boıyna bas bostandyǵynan aıyrý jazasyn qarastyratyn Qylmystyq kodekstiń 99-babynyń 2-bóligine qaıta qaralady. Bul másele İshki ister mınıstriniń baqylaýynda bolady" dep habarlady İİM.
Polısıa departamenti bolsa, kúdiktilerdiń ýahabızm nemese basqa destrýktıvti dinı aǵymdy ustanatyny, sondaı-aq radıkaldy ıdeıalardy taratqany týraly aqparat joq ekenin habarlady.
6 tamyzda Oralda kásipker 48 jastaǵy Erkin Muhanǵalıevti eki adam pyshaqtap óltirip ketken. Marqum qaladaǵy "Gýlchataı" dámhanasy men "Mahabbat" meıramhanasynyń qojaıyny bolǵany habarlandy.
Pikir qaldyrý