Qostanaıda júzdegen adam joǵalyp ketken 5 jastaǵy qyzdy bir táýlikten beri izdep jatyr.

Nash Kostanaı portalynyń jazýynsha, izdeý jumystaryna polısıanyń 500-den astam qyzmetkeri, tótenshe jaǵdaı qyzmetiniń mamandary, eriktiler men jergilikti turǵyndar jumyldyrylǵan.

7 tamyz kúni tańǵy bester shamasynda Jambyl aýylynda 5 jasar Madına Erlanqyzy joǵalyp ketken. Yqtımaldy nusqa boıynsha, búldirshin terezeden shyǵyp, belgisiz baǵytqa ketip qalǵan. Ústinde ish kıimnen basqa eshteńe bolmaǵan. Madına aýtızmge shaldyqqan, sóıleı almaıdy.

Qazirgi ýaqytta eldimekendegi aýlalar, jol jıegi, sharýa qojalyqtarynyń mańy, saı-salalar, Tobyl ózini tekserilip jatyr.

Búldirshindi keshe 9 shamasynda kórgen kýágerler tabyldy.