AQSH-taǵy Google derekterdi óńdeý ortalyǵynda jarylys boldy, dep habarlady The Register basylymy.

Polısıanyń málimetinshe, oqys oqıǵa AQSH-tyń Aıova shtatyndaǵy Blaffs qalasyndaǵy Google ortalyǵy ǵımarattarynyń janyndaǵy qosalqy stansada bolǵan. Sol ýaqytta stansıada 3 elektrık jumys istep jatqan. 

Elektr razrádynan týyndaǵan jarylys saldarynan 3 elektrık te aýyr jaraqat alyp, jergilikti aýrýhanaǵa jetkizildi.

"Biz Aıova shtaty Blaffs qalasyndaǵy Google derekter ortalyǵynda,y elektrlik oqıǵadan habardarmyz. Jarylys saldarynan 3 adam jaraqat alyp, qazir kómek kórsetilip jatyr. Barlyq qyzmetkerlerdiń densaýlyǵy men qaýipsizdigine basymdyq beremiz. Sondaı-aq biz jaǵdaıdy muqıat zerttep, qajetti kómek kórsetý úshin seriktestermen jáne jergilikti bılik organdarymen tyǵyz baılanystamyz" delingen Google málimdemesinde.

Ortalyq – Google kesheni kompanıalarynyń eń iri derekterdi óńdeý ortalyqtarynyń biri. Onda úlken kólemdegi derekterdi saqtaýǵa jáne óńdeýge arnalǵan júzdegen sýperkompúterler bolǵan.