SHQO energetıka jáne turǵyn úı-kommýnaldyq sharýashylyq basqarmasynyń málimetinshe, óńirde jylý berý maýsymyna daıyndyq bekitilgen is-sharalar josparyna sáıkes júrgizilip jatyr. Áleýmettik qorǵaý jáne bilim berý nysandary sýyqty qarsy alýǵa 100- paıyz daıyn ekenin málimdedi.

Qala men aýdan ákimdikteri kestege sáıkes ınjenerlik ınfraqurylymdy jóndeý jumystaryn júrgizýde. 9 tamyzdaǵy jaǵdaı boıynsha iri qazandyqtar men JEO-nyń daıyndyǵy - 61%, shaǵyn qazandyqtar (100 Gkal/saǵattan kem) – 81%, sýmen jabdyqtaý jáne sý burý obektileri-98%-dy quraıdy. Sonymen qatar, vedomstvonyń málimetinshe, 968 km jylý jelileri (92%) qysqa daıyn.

Sonymen qatar, qazirdiń ózinde kóp páterli turǵyn úılerdiń turǵyndary daıyndyq aktilerin alý úshin úıishilik júıelerdi daıyndaýy qajet. Olardyń daıyndyǵy 62% quraıdy.

Kómir daıyndaý máselesi de mańyzdy bolyp qalýda. Qala men aýdan ákimdikteriniń usynǵan málimetterine sáıkes, Shyǵys Qazaqstan oblysynyń turǵyndaryna 354,3 myń tonna kómir jetkizilgen. Sonymen qatar, áli jınaqtalyp úlgermegen oblys turǵyndaryna energetıka jáne turǵyn úı-kommýnaldyq sharýashylyq basqarmasy tolqýlar men alypsatarlyqty boldyrmaý úshin jazda qatty otyn daıyndaý qajettigin eskertedi.

Qazir temirjol tuıyqtarynda 13,7 myń tonna kómir bar, onyń ishinde: Óskemen qalasynda – 5,5 myń tonna, Rıdder qalasynda – 4,8 myń tonna, Glýbokoe aýdanynda – 600 tonna, Altaı aýdanynda – 2,6 myń tonna, Shemonaıha aýdanynda – 210 tonna kómir.

Búdjettik uıymdarǵa 39,6 myń tonna kómir (100%) jetkizdi.

Aıta keteıik, Energetıka jáne TKSH basqarmasy qala men aýdan ákimdikterimen birlesip, oblys turǵyndary arasynda aldaǵy jylytý maýsymyna aldyn ala kómir daıyndaý qajettiligi týraly túsindirý jumystaryn jalǵastyrýda.