Aıtysker aqyn Rınat Zaıytov bılik referendýmdy júıeniń aýysqanyn kórsetkisi kelgendikten jasady dep sanaıdy. Bul týraly ol  Ulysmedia.kz portalyna bergen suhbatynda aıtty.

– Referendým arqyly Toqaevtyń artynda halyq bar ekenin, oǵan senim artylyp otyrǵanyn kórsetý kerek boldy. Ótkende Abaı aýdanyna bardym. 8-synypta oqıtyn bala "Aǵa, biz óleń shyǵaratyn edik" dep keldi. Óleń oqyp tur. Qarshadaı qyz qarlyǵashtaı otqa qanatymen sý seýip júrgen sıaqty "erteń bizdi jemqorlar qınamasyn dep tileımiz" degen maǵynada óleń aıtyp tur. Qyz balaǵa "sen osy óleńdi aýdandyq gazetke shyǵarshy, men sol aýdandyq gazetti satyp alaıyn" dedim. Jol túsip, qudaı buıyrtyp, Toqaevpen kezdesip jatsam, birinshi kezekte sol qyzdyń óleńin oqyp bereıin dep turmyn. "Aǵa, 8 oqıtyn bala sizge osylaı úmit artyp otyr" dep aıtamyn. Ary qaraı ózińiz qarańyz... Eger bizdiń býynnyń odan kóńili qalatyn bolsa, ary qaraı ony jeksuryn dep ataýǵa eki býyn daıyn tur dep oılaı berińiz. Ózine ol qajet emes, – deıdi aqyn.