Qorǵanys mınıstrligi sońǵy kezderi kúshtik qurylymdarda ózine qol jumsaý faktileri jıilep ketýine baılanysty málimdeme jasady.

Mınıstrlik jaýyngerlerdiń ómiri men densaýlyǵyna ózderimen qatar UQK Shekara qyzmeti, İİM Ulttyq ulany, Memlekettik kúzet qyzmeti jáne Tótenshe jaǵdaılar mınıstrligi de jaýapty ekenin aıtady.

"Ózine qol jumsaý sıaqty sharasyz qadamǵa barý adamnyń týystary men jaqyndary úshin úlken qaıǵy. Komandırlerge de jaýyngerden aıyrylý aýyr shyǵyn. Qarýly kúshterde bolǵan árbir jaǵdaıdy áskerı polısıa qyzmetkerleri jáne basqa da qylmystyq qýdalaý organdary muqıat tekseredi. Tekserý nátıjeleri ózine qol jumsaý kóp jaǵdaıda áskerı qyzmet ótkerýmen baılanysty emes ekenin kórsetti. Áskerge shaqyrýǵa deıingi kezeńde áskerı qyzmetshilerdi osyndaı áreketke ıtermeleıtin ár túrli ómirlik jaǵdaılar kezdesetinin eskerý kerek. Qazirgi ýaqytta Qorǵanys mınıstrliginiń bastamasymen ǵylym, quqyq qorǵaý organdary men úkimettik emes uıymdar ókilderiniń qatysýymen áskerı ortada orny tolmas shyǵyndardy barynsha azaıtýǵa jáne sýısıdtiń aldyn alýǵa baǵyttalǵan "Ómirdi saqta" keshendi baǵdarlamasy ázirlenip jatyr" delingen mınıstrlik málimdemesinde.