Búgin «AMANAT» tóraǵasy Erlan Qoshanov partıanyń jańa Saıası tuǵyrnamasyn ázirleý jóninde keńes ótkizdi. İs-sharaǵa Parlament depýtattary, qoǵam qaıratkerleri men sarapshylar qatysty. Sondaı-aq, beıne-konferens baılanys arqyly partıanyń aımaqtyq fılıaldary qosyldy.

Saıası tuǵyrnamany jańartý jumystary bıyl sáýirden bastap júrgizilýde. Kezdesýdi asha otyryp, Erlan Qoshanov Qazaqstan damýdyń sapaly jańa kezeńine qadam basqanyn jáne «AMANAT» partıasy qoǵam talabyna saı ózgerýi tıis ekenin atap ótti.

«Memleket basshysy «Jańa Qazaqstandy» qurý isine qatysty aýqymdy mindetter qoıdy. Partıa osy jumysqa belsene qatysyp, Prezıdent reformalaryna qoldaý kórsetýi tıis. Ol úshin «AMANAT»-tyń Saıası tuǵyrnamasyn qaıta qaraý qajet. Bul qadam partıalyqtarǵa jańa baǵyt-baǵdar berip, olardyń halyq múddesin qorǵaý isindegi azamattyq belsendiligin arttyrýy tıis», – dep atap ótti E.Qoshanov.

​Partıa tóraǵasynyń pikirinshe, Saıası tuǵyrnamany jańartý jumysy tek «halyq únine qulaq asatyn partıa»formatynda júrgizilýi tıis. Bul – asamańyzdy másele. Erkin pikir almasý, keń saıası dıalog qamtamasyz etilýi tıis. Bul jumysqa barlyq amanattyqtaratsalysýy qajet.

«Árbir partıalyq Saıası tuǵyrnamamyzdy bilip qana qoımaı, ondaǵy qundylyqtarmen bólisýi kerek. Ony kúndelikti jumysynda basshylyqqa alǵany mańyzdy», – dep atap ótti E.Qoshanov.

Otyrys barysynda Májilistegi «AMANAT» fraksıasynyń músheleri Aıdos Sarym, Ekaterına Smyshláeva, Erlan Saırov, partıanyń Saıası keńesi Búrosynyń múshesi Marat Shıbýtov, qoǵam qaıratkerleri Murat Ábenov, Danat Jumın, Marat Báshimov, partıanyń aımaqtyq fılıaldarynyń ókilderi jáne taǵy basqalar sóz sóıledi. Partıanyń Saıası tuǵyrnamasynda kórinis tabýy tıis tásilder belsendi talqylandy. Bul qadam «AMANAT»-tyńbásekege qabilettiligin arttyryp, jańa jaǵdaıda saılaýshylardyń senim údesinen shyǵýǵa múmkindik berýi tıis.

Otyrys qorytyndysy boıynsha partıa tóraǵasy Saıası tuǵyrnamany ázirleý isine qatysty birqatar tapsyrmajúktedi. Atap aıtqanda, Tuǵyrnama jobasyn jarıa talqylaý uıymdastyrylady. Sonyń ishinde,saraptamalyq kezdesýler, óńirlerde jeke keńester ótkiziledi. Bul jumysqa partıanyń barlyq fılıaldary, Májilistegi jáne barlyq deńgeıdegi máslıhattardaǵy fraksıalar tartylady.

Aýqymdy talqylaý júrgizý maqsatynda qujat partıanyń saıtynda jáne áleýmettik jelilerde ornalastyrylady. Ár otandasymyz óz usynysyn engize alady. Qoǵamdyq saıasat ınstıtýty partıalyqtar arasynda jańa Saıası tuǵyrnamanyń basymdyqtary jóninde áleýmettik saýalnama júrgizedi. Qujat jobasy «TALQYLAU» dıalog alańynda sarapshylardyń, blogerler men qoǵam belsendileriniń qatysýymen talqyǵa salynady.

«AMANAT» partıasynyń Saıası tuǵyrnamasynyń qorytyndy jobasy bıyl kúzde respýblıkalyq partıa konferensıasynda talqylanady.