Respýblıkanyń barlyq óńirinde jappaı egin jınaý naýqany bastaldy. Búginde barlyǵy 2,2 mln ga dándi jáne dándi-burshaqty daqyl (13,9%) jınaldy. Bul – barlyq alqaptyń 13 paıyzy, dedi Aýyl sharýashylyǵy mınıstri Erbol Qarashókeev Úkimet otyrysynda.

Ortasha ónimdilik gektaryna 14,6 sentnerdi quraǵan. Qazirge deıin 3,3 mln tonna astyq bastyrylǵan.

Bıyl aýyl sharýashylyǵy daqyldary jınalǵan alań 23,4 mln gektardy qurady, bul – 2021 jylmen salystyrǵanda 387,1 myń gektarǵa artyq.

Mınıstrlik málimetinshe, astyq jınaýdan kútiletin kólem respýblıkanyń ishki qajettiligin tolyq qamtamasyz etý, sondaı-aq astyqtyń belgili bir kólemin eksportqa ótkizý jáne dástúrli naryqtardaǵy saýda pozısıalaryn saqtaý úshin jetkilikti.