Rýdnyılyq áıel qos azamattyǵy úshin jaýapqa tartyldy, dep habarlady Polisia.kz. portaly.

İİM resmı ınternet resýrsynyń málimetinshe, 56 jastaǵy áıel 10 jyldan astam ýaqyt kóshi-qon salasyndaǵy zańnamany buzyp kelgen. Qos azamattyǵy úshin rýdnyılyq áıel endi 600 myńnan teńgeden astam aıyppul tóleýge tıis.

"Qos azamattyqqa qarsy is-qımyl máselesi búgingi kúni ózekti bolyp otyr. Qostanaı oblysynyń aýmaǵynda kóptegen faktiler anyqtalýda. Rýdnyı qalasynyń ákimshilik ister jónindegi mamandandyrylǵan soty 10 jyldan astam ýaqyttan beri Qazaqstan Respýblıkasy jáne Reseı Federasıasynyń azamattyǵy bar 56 jastaǵy áıeldi jaýapqa tartty. Endi ol 612 myń teńge kóleminde aıyppul tóleýi tıis. Qazaqstanda jáne sonymen bir mezgilde shet memlekettiń aýmaǵynda zeınetaqy tólemderin alatyn adamdardy anyqtaý bóliginde Zeınetaqy tóleý jónindegi memlekettik ortalyqtarmen, QR UQK Shekara qyzmetiniń qyzmetkerlerimen, sondaı-aq basqa da memlekettik organdarmen birlesken jumys júrgizilýde" dedi Qostanaı oblysy PD Kóshi-qon qyzmeti basqarmasynyń bólim bastyǵy Rınat Syzdyqov.