Oqý-aǵartý mınıstri Asqat Aımaǵambetov pen İshki ister mınıstri Marat Ahmetjanov jańa oqý jyly qarsańynda oqýshylardyń qaýipsizdigi máseleleri boıynsha keńes ótkizdi.

Kezdesýde Oqý-aǵartý mınıstrligi jańa oqý jyly qarsańynda İshki ister mınıstrligi ókilderimen birlesip, oqýshylardyń qaýipsizdigine qatysty sabaqtar ótkizetini týraly aıtyldy. Bul sabaqtarǵa bilim berý uıymdarynyń ókilderi de, quqyq qorǵaý organdarynyń ókilderi de qatysady.

– Qyrkúıektiń basynan bastap 5 myńnan astam polısıa qyzmetkeri mektepterge baryp, profılaktıkalyq sabaqtardy birlesip ótkizedi. Buǵan muǵalimder, dırektordyń orynbasarlary jáne dırektorlar belsene qatysady. Oqý jylynyń basynda ishki ister organdarynan mektep janyndaǵy kezekshilikti kúsheıtip, qajet jerlerge arnaıy jol belgilerin qoıyp, aldyn alý sharalaryn júrgizýdi suraımyz. Barlyq mektep avtobýstaryn, sondaı-aq qaýipsizdik júıelerin tekserýdi aıaqtaý qajet. Bul jumysty birlesip atqaramyz dep oılaımyn, – dedi Oqý-aǵartý mınıstri.
 
İshki ister mınıstrliginiń basshysy Marat Ahmetjanov vedomstvonyń barlyq jeke quramy oqýshylar arasynda túsindirý jumystaryn júrgizetinin atap ótti. Oqýshylarǵa olardyń quqyqtary men mindetteri túsindirilip, quqyq buzýshylyqtyń aldyn alý, tótenshe jaǵdaılarda qalaı áreket etý keregi aıtylady. İİM basshysy elordalyq gımnazıalardyń birine ózi de baratynyn atap ótti.