Qazaqstanda jyl basynan bergi jeti aıda 356 kisi óltirý, 181 adam óltirýge oqtalý deregi tirkelgen. Bul byltyrǵy sáıkes kezeńge qaraǵanda aıtarlyqtaı kóp, dep jazady Ranking.kz saıty.
Budan bólek jeti aıda anasy jańa týǵan sábıin óltirgen 4 jaǵdaı, ózin qorǵaý kezinde kisi óltirip qoıǵan 5 jaǵdaı, abaısyzdaǵy adam ólimine soqtyrǵan 28 jaǵdaı, ózin óltirýge deıin jetkizgen 858 jaǵdaı tirkelgen.
Aımaqtyq bóliniske kelsek, eń kóp quqyqbuzýshylyq Almatyda baıqalyp otyr. Eldegi eń iri qalada jeti aıda 160 kisi óltirý men qastandyq jaǵdaılary tirkelgen. Bul byltyrǵy sáıkes kezeńnen 4,2 esege kóp. Ekinshi, úshinshi satyda Almaty (49) men Shyǵys Qazaqstan oblystary (48) tur.
El boıynsha kisi óltirý qylmysyn ashý kórsetkishi 93,9 paıyzdy quraǵan. Jambyl, Aqtóbe, Batys Qazaqstan, Mańǵystaý oblystarynda jasalǵan qylmystardyń barlyǵy ashylǵan. Tómengi kórsetkish Almatyǵa tıesili. Almatyda kisi óltirý qylmystarynyń 76,9 paıyzy ashylǵan.
Pikir qaldyrý