Qazirgi Nursultan Nazarbaev, burynǵy QR Tuńǵysh prezıdenti – Elbasy qory eks-prezıdent Nursultan Nazarbaev týraly segiz saǵattyq derekti fılm úshin 7 mln dollar tólegen. Kelisim-shart somasyn jýrnalıs Mıhaıl Kozachkov jarıa etti.

Jýrnalıs qolyndaǵy qujattarǵa súıenip fılmge QR Tuńǵysh prezıdenti – Elbasy qory Ulttyq kınony qoldaý memlekettik ortalyǵy arqyly tapsyrys bergenin aıtady. Shart 2019 jyly jasasqan.

Al 2020 jyly Nursultan Nazarbaev qory Ulttyq kınony qoldaý ortalyǵymen shartty buzyp, ortalyq 7 mıllıon dollardy qaıtarýǵa mindettelgen.

"Qazaq: Altyn adamnyń tarıhy" derekti fılmi 2021 jyly jaryqqa shyqqan. Týyndyǵa ataqty rejıser, 3 márte Oskar syılyǵyn ıelengen Olıver Stoýn prodúser bolyp, tegi ýkraınalyq qazir AQSH-ta jumys isteıtin kınoındýstrıa mamany Igor Lopatónok rejıserlik etken.

Igor Lopatónok Azattyq radıosynyń jýrnalısine derekti fılm búdjeti týraly aıtýdan bas tartqan.

Artynsha anonım telegram kanaldardyń biri fılmniń ár saǵaty Elbasy qoryna 1 mıllıon dollarǵa, tutas fılm 8 mıllıon dollarǵa túskenin týraly aqparat jarıalaǵan.