Sybaılas jemqorlyqqa qarsy qyzmet Qaırat Satybaldyulyna jáne basqa da tulǵalarǵa qatysty "Qazaqtelekom" AQ men "Kóliktik servıs ortalyǵy" AQ qarajatyn asa iri kólemde urlaý faktileri boıynsha sotqa deıingi tergeýdi aıaqtaǵanyn habarlady.
Antıkor aqparatynsha, is aıasynda bes kúdikti tergelip jatyr.
"Tergeý barysynda zańsyz satyp alynǵan aktıvter men aıyptalýshylardyń jalpy somasy 240 mıllıard teńgeden astam nemese 500 mıllıon AQSH dollarynan astam aqshalaı qarajaty memleketke qaıtaryldy. Satybaldyulyna qatysty salyq pen kedendik tólemderdi tóleýden jaltarý, qylmystyq kiristerdi zańdastyrý faktileri boıynsha qylmystyq ister qosymsha tergelýde. Aıyptalýshylardyń basqa da zańsyz aktıvterin izdeý belsendi túrde jalǵasýda. Elde jáne shetelde qosymsha jyljymaıtyn múlik, avtomobılder jáne jalpy somasy 400 mıllıard teńgeden astam nemese 900 mıllıon AQSH dollarynan astam aqshalaı qarajat ornatylyp, jaqyn arada memleketke qaıtarylatyn bolady" delingen Antıkor aqparatynda.
Eks-prezıdent Nursultan Nazarbaevtyń jıen-nemeresi Qaırat Satybaldy 13 naýryz kúni qamaýǵa alynǵan. Ol "Qazaqtelekom" AQ-tyń qarjysyn jymqyrdy dep aıyptalyp otyr. Ol eldegi baı adamdardyń biri. Kezinde ulttyq qaýipsizdik komıtetinde, "Kazakh Oil", "Qazaqstan temir joly" ulttyq kompanıalarynda laýazymdy qyzmetter atqarǵan. "Kaspi.kz" aksıonerlik qoǵamynyń negizgi aksıoneri bolǵan. Dinı ortalarda yqpaldy adam sanalady. Ol Islam dini Sáláfızm aǵymynyń Qazaqstandaǵy beldi ókili degen beıresmı aqparat bar.
Pikir qaldyrý