Májilis depýtattary, «AMANAT» partıasynyń músheleri Sálimjan Naqpaev pen Nurlybek Ojaev Atyraý oblysyna sapar barysynda «Embimunaıgaz» eńbek ujymymen kezdesti.

Munaı salasy Atyraý oblysy úshin úlken mánge ıe. Sondyqtan májilismender Parlamentte atqarylǵan jumystar týraly aıtyp, munaı salasyna qatysty jalpy jumystardyń baǵytymen tanysty.

Jıynda Atyraý oblysy úshin mańyzdy taqyryptyń birine aınalǵan «Atyraý Astrahan» tas jolyndaǵy kúrdeli jóndeý jumystary týraly aıtyp, máseleler kóterildi. Sonymen qatar óńirdegi «Inder-Qarabaý» tas jolynyń oblys turǵyndary úshin de, tasymal úshin de mańyzdy ekeni aıtylyp, ýaqytyly bitirýdiń mańyzdy ekeni aıtyldy.

«Bul jol jospar boıynsha birneshe jylǵa sozylady. Ol bar bolǵany 80 shaqyrym. Bıyl qarjy bólip, qalǵanyn kelesi jylǵa qaldyryp, ýaqyt sozyp júrgende jasalǵan joldyń tozyp ketýi de múmkin», – dedi S.Naqpaev.

Sondyqtan depýtat áleýmettik mańyzy bar máselelerdiń oryndalý barysy da qashan da úlken mánge ıe ekenine toqtaldy. Otyrysta ekologıalyq ahýal máselesi talqylandy.

Osy kúni Májilis depýtaty Názılá Razzaq Jambyl oblysynyń Sarykemer aýylyndaǵy aýyz sý qubyrynyń qurylysymen tanysyp, qubyr jelilerin jáne sý qabyldaý ǵımarattarynyń qurylysyn júrgizgen «Intellekt Azıa» ujym ókilderimen kezdesti. 

Aıta ketý kerek, sý qubyry «AMANAT» partıasynyń 2021-2025 jyldarǵa arnalǵan Saılaýaldy baǵdarlamany iske asyrý jónindegi Jol kartasy aıasynda paıdalanýǵa berilip otyr.

– Memleket basshysy qoǵamdy tolǵandyrǵan áleýmettik-ekonomıkalyq problemalardy sheshý jónindegi birqatar mindetterdi atap ótken bolatyn. Onyń ishinde baǵanyń ósýi, taýarlardyń jekelegen túrlerin jetkizýdegi bógelister, azyq-túlik qaýipsizdigi, halyq tabysynyń tómendeýi, sondaı-aq eldi mekenderdi taza aýyz sýmen qamtamasyz etý syndy máseleler bar, – dedi Májilis depýtaty.  

«Aýdan ortalyǵy sanalatyn Sarykemer aýylynyń ózinde qazirgi kezde 30 myńnan astam halyq turady. Ótken jyldyń jeltoqsan aıynda úsh jyl merzimge sozylǵan sý qabyldaý nysany jáne sý qubyry jelileriniń qurylysy aıaqtalyp, Sarykemer aýyldyq okrýgi turǵyndarynyń ıgiligine usynyldy. Biraq aýyz sý máselesi osymen sheshildi jáne de óz dárejesinde deı almaımyz», – deıdi aýyl turǵyndary.

Óz kezeginde depýtat atalǵan máseleler jergilikti atqarýshy, qadaǵalaýshy memlekettik organdar men depýtattar tarapynan da erekshe nazarynda bolatynyn aıtty.

Májilistiń baspasóz qyzmeti