Aǵymdaǵy jyldyń 7 shilde men 19 tamyz aralyǵynda SHQO bilim salasyndaǵy sapany qamtamasyz etý departamenti óńirdegi  bilim berý uıymdarynyń 2022-2023 oqý jylynyń bastalýyna daıyndyǵy týraly monıtorıń júrgizip, qorytyndysyn Óńirlik komýnıkasıalar qyzmetindegi baspasóz konferensıasy barysynda SHQO Bilim salasyndaǵy sapany qamtamasyz etý departamentiniń basshysy Zeınep Mahsýtova aıtyp ótti.

Monıtorıń boıynsha  oblystyń 642  mektebi qamtyldy. Mektepterdiń materıaldyq-tehnıkalyq jaǵdaıy, onyń ishinde pándik kabınettermen, kompúterlermen, ınternetpen jáne basqa da jabdyqtarmen qamtamasyz etilýi, mektepterdi sanıtarlyq-gıgıenalyq jaıly lyqpen (jyly dárethanalarmen) qamtamasyz etýi, beınebaqylaý júıesiniń bolýy jáne jaı-kúıi, kúrdeli jáne aǵymdaǵy jóndeý jumystaryn júrgizýi, mektep qurylysy, oqýlyqtarmen qamtamasyz etýi boıynsha monıtorıń júrgizilipti.

«642 mekteptiń 514-i tıptik, 128 – i beıimdelgen ǵımarattarda ornalasqan. 1 aýyldyq mektebinde jyly ishki dárethana jumys jasamaıdy. Mektepterdegi ınternet jyldamdyǵy 2-den 100 Megabıtqa deıin, onyń ishinde 319-da-jyldamdyǵy 4 megabıttan tómen. Oblystyń barlyq mektepterinde (100%)  jańa modıfıkasıadaǵy 1 robototehnıka kabıneti bar. 61 mektepte kompúterlik synyptar joq. Máselen, 44 141 kompúterdiń 20% – y moraldyq turǵydan eskirgen. 3275 ınteraktıvti taqtanyń 15% - y jumys istemeıdi» dedi SHQO Bilim salasyndaǵy sapany qamtamasyz etý departamentiniń basshysy Zeınep Mahsýtova.

Sonymen qatar óńirdegi mektepterdegi 461 fızıka kabınetiniń 30%-y ǵana jańa modıfıkasıadan (kabınetterdiń 65% - ynda zerthanalar bar), 409 hımıa kabınetteriniń 24% jańa modıfıkasıadan (68% kabınette zerthanalar bar),  362 bıologıa kabınetinen - 31,7% jańa modıfıkasıadan (kabınettiń 61% zerthanalary bar).

Osylaısha, mektepterdiń 62%-ynda eski modıfıkasıaly kabınetter jumys isteýde. Mektepterdiń tek 87% - ynda sport zaldary bar, olardyń 43% - y tıisti ınventarmen jabdyqtalǵan. Al mektepterdiń 35% - ynda beınebaqylaý júıesi standarttar men talaptarǵa sáıkes kelmeıtini anyqtalyp, qazirgi ýaqytta ol mektepterde beınebaqylaý júıelerin jańartý boıynsha jumystar júrgizilýde eken. Mektepterdiń 84% - ynda kitaphanalar, 60% - ynda oqý zaldary bar.

Brıfıń barysynda Monıtorıń barysynda SHQO Bilim salasyndaǵy sapany qamtamasyz etý departamentiniń basshysy óńirdegi apatty jaǵdaıdaǵy bilim oshaqtaryna da toqtalyp ótti.

«Oblys boıynsha apattyq jaǵdaıdaǵy jáne apattyqqa deıingi jaǵdaıdaǵy 12 mektep anyqtaldy. Apatty jaǵdaıdaǵy 12 mekteptiń 5-i shatyrǵa, qasbetke, ishki árleýge jáne sport zaldaryna kúrdeli jóndeý júrgizýdi talap etedi. Aǵymdaǵy jyly oblys boıynsha kúrdeli jóndeý júrgizý qajettiligi 80 mektep quraıdy, onyń ishinde qarjylandyrý tek qana 8 mektepke qarastyrylǵan, jalpy somasy 1 mıllıard 153 mıllıon teńge. Al aǵymdaǵy jóndeýdi qajettiligi 254 mektep úshin quraıdy, onyń ishinde qarjylandyrý 97 mektepke jalpy somasy 1 mıllırd 413 mıllıon teńge qarastyrylǵan» dedi Zeınep Mahsýtova.