Shyǵys Qazaqstan oblysynda dástúrli tamyz konferensıasy ótti, oǵan ZOOM platformasy arqyly onlaın formatta 3000 myńǵa  jýyq pedagog qatysty. Sondaı-aq, Youtube arnasy men Facebook arqyly tikeleı efır uıymdastyryldy.

Tamyz keńesiniń jumysyna Shyǵys Qazaqstan oblysy ákiminiń orynbasary Shákárim Buqtuǵytov, Qazaqstan Respýblıkasy Parlamenti Senatynyń depýtaty Olga Býlavkına, "AMANAT" Partıasynyń Shyǵys Qazaqstan oblystyq fılıalynyń atqarýshy hatshysy Saırangúl Jumadilova, qalalar men aýdandardyń ákimderi, joǵary oqý oryndarynyń rektorlary, qalalyq jáne aýdandyq bilim bólimderiniń basshylary jáne oblystyń pedagogıkalyq qoǵamdastyǵy qatysty.

«Búginde bilim berý salasynda qazaqstandyq oqytý júıesinde sapaly serpilis jasaýǵa múmkindik beretin aýqymdy, ulttyq jobalar iske asyrylýda. Oblysta bilim berý júıesin reformalaý boıynsha jumystar jalǵasýda, - dep atap ótti SHQO ákiminiń orynbasary Shákárim Buqtuǵytov.

Konferensıa barysynda bilim berý júıesiniń basty qundylyqtary - patrıotızm, bilimge umtylý jáne eńbeksúıgishtik jaıly talqylandy.

SHQO bilim basqarmasy basshysynyń m.a. Alıma Aqylbek "2022-2023 oqý jylynda bilim berý prosesin uıymdastyrýdyń erekshelikteri týraly" baıandama jasady. İs - shara aıasynda SHQO ákimi atynan muǵalimderge "Úzdik bilim berý uıymy" oblystyq baıqaýynyń aqshalaı sertıfıkattary berildi: İ oryn úshin – 20 mıllıon, İİ oryn úshin-16 mıllıon, İİİ oryn úshin-12 mıllıon teńge.

Sondaı-aq bilim salasyna qosqan úlesi úshin Oblystyń eńbek sińirgen pedagogtary "Shyǵys Qazaqstan oblysynyń bilim berý isine qosqan úlesi úshin" qurmetti ataǵymen, "Shyǵys Qazaqstan oblysynyń eńbek sińirgen ustazy" tósbelgisimen jáne oblys ákiminiń 600 myń teńge mólsherindegi aqshalaı syılyǵymen marapattaldy.

Sonymen qatar, "Mektepke jol"aksıasyn iske asyrýda belsendilik tanytqan mesenattarǵa oblys ákiminiń Qurmet gramotasy tabys etildi.