Búgin (5 qyrkúıek) ult ustazy, memleket jáne qoǵam qaıratkeri, reformator, san qyrly ǵalym Ahmet Baıtursynulynyń týǵan kúni (1872-1937). Osy bizge ustazdyń arýaǵy razy ma eken degen oı kesheden beri mazalady. Ózimdi-ózim mújidim. Ótken 30 jylǵy tarıhymyzǵa kóz salyp, sholý jasadym:
Tilimizdiń múshkil hali, álipbı máselesi, jer máselesi, salt-dástúr, din men mádenıet, rýhanıat, shet elderge beıbereket satylǵan halyq qazynasy, jemqorlyq jaılaǵan qoǵam, dýmanshyl halyq, ult emes tobyr deńgeıine túsken mojantopaılyǵymyz t.s.s. báriniń jaǵdaıy qıyn. Sonda keshegi Ahań bastaǵan arystar toby ne úshin, kim úshin kúresti? Nege atyldy? Nege urpaqsyz qaldy?
Qazaq bıligi Ahmet Baıtursynulyn tek ǵalym, ustaz, aǵartýshy dep qana tanıdy (!). Al óz basym bul tulǵany MEMLEKET jáne QOǴAM QAIRATKERİ, qazirgi Qazaqstan Respýblıkasynyń NEGİZİN SALÝSHY KÚRESKER dep tanımyn. Ol — BİRTÝAR! Ol — FENOMEN! Ol — PASIONAR TULǴA!
Álıhan, Ahmet atalarymyzdy KÓSEM dep aıtýǵa memlekettik telearnalar QARSY! Bul qalaı?! Alash kósemderine SAIASI turǵyda BAǴA berilmedi. Nazarbaev bıligi eshqashan MOIYNDAMADY!
Minezimiz nege ózgerdi? Jaltaq, jaǵympaz, jarymsaq qazaq nege rýshyl, nege jikshil?! Suraq kóp. Árkim jaýabyn ózi bersin. Ustaz aldynda, shahıd ketken erlerdiń aldynda men de KİNÁLİMİN!
Ult ustazyn, Alash aıbaryn saǵynyshpen, qurmetpen eske alamyn. Rýhyna Fatıha! Keshir bizdi, keshe gór, Degdarym!
Eldos Toqtarbaı
Alashtanýshy-ǵalym
Facebook paraqshasynan
Pikir qaldyrý