Qostanaıdaǵy órtten eldimekenderge qaýip joq dep habarlady Tótenshe jaǵdaılar mınıstrliginiń baspasóz qyzmeti.
Mınıstrlik málimetinshe, qazir jalyndap janyp jatqan ýchaskeler joq, qaldyq ot oshaqtaryn sóndirý jumystary áli de jalǵasyp jatyr. Árbir eldimekendi (Amanqaraǵaı, Lesnoe, Ozernoe jáne Baǵanaly aýyldarynyń aýmaǵynda) qaraýyldaý uıymdastyrylǵan.
Oblystaǵy jaýyn-shashynnyń sebebinen aýa ylǵaldyǵy kúsheıgen.
"Saǵat 7:30-dan 8.40-qa deıin órt aýmaǵyna ushý jumystary júrgizildi. Áýeden barlaý nátıjesinde Baǵanaly aýylynan Qazanbasy aýylyna qaraı aýdanda órt tómengi bóliginde baıqalatyny kórindi. Ozernoe, Lesnoe jáne Amanqaraǵaı aýyldarynda jaǵdaı turaqtaldy. Ozernoe, Amanqaraǵaı aýyldarynda tek lokaldy órt oshaqtarynyń janýy, tútin baıqalady. Kúshter men quraldar negizgi jumys júrgizetin Baǵanaly aýdandaryna qaıta toptastyryldy. Baǵanaly, Ozernoe, Lesnoe aýyldarynda eldi mekenderinde jerdi jyrtý jumystaryn júrgizý úshin Qorǵanys mınıstrligi men jergilikti atqarýshy organdardyń ınjenerlik tehnıkasy da jumyldyrylady" delingen habarlamada.
2 qyrkúıekte Qostanaı oblysynyń Áýlıekól aýdanynda orman órtenip, jalyn oblystyń ózge aýdandaryn sharpyǵan. Qazirgi ýaqytta 5 aımaqta órt sóndirý jumystary áli jalǵasyp jatyr. Órtten 10 adam aýyr jáne jeńil jaraqat alyp, 1 adam qaza tapqan.
Pikir qaldyrý