Burynǵy premer-mınıstr Asqar Mamın májilistiń burynǵy spıkeri Nurlan Nyǵmatýlın jáne Qazaqstan fýtbol federasıasynyń burynǵy prezıdenti Ádilbek Jaqsybekovpen birge túsken sýretine baılanysty pikir bildirdi, dep jazady nur.kz portaly.

Asqar Mamın fotonyń shyn ekenin jáne ol Nur-Sultanda túsirilgenin aıtady.

"Rasynda, ótken jeksenbide (4 qyrkúıek) Nur-Sultandaǵy meıramhanalardyń birinde túski ýaqytta jaqyn týystarym uıymdastyrǵan qazaqtyń salt-dástúrine saı ("Syrǵa salý") shara ótti. Sýret týraly keıbir BAQ-ta aıtylǵan boljamdardy orynsyz jáne arandatý dep sanaımyn. Elimiz qazir damýdyń, onyń ishinde saıası transformasıanyń tarıhı kezeńinde tur. Osyǵan oraı, osyndaı sheshýshi kezeńde memleket basshysynyń tóńiregine toptasyp, arandatýshylar men destrýktıv maqsattaǵy adamdarǵa eshqandaı múmkindik bermeý kerek dep esepteımin" degen Mamın.